Løgtings- og landsstýriskvinnurnar
Í dag eru júst 50 ár síðani, at fyrsta kvinnan fekk fast sæti á Føroya Løgtingi. Kvinnan var javnaðarkvinnan Jona Henriksen.
Síðani eru 31 kvinnur beinleiðis valdar á Ting – líka nógvar, sum tað eru dagar í mánaðinum!
Til samanberingar eru 365 menn beinleiðis valdir í Løgtingið – líka nógvir, sum dagar eru í árinum!
Í dag eru vit 10 tingkvinnur í Løgtinginum og 23 tingmenn, so enn er langt á mál áðrenn javnstøða er rokkin.
Í landsstýrinum er javnstøða – fýra kvinnur og fimm menn.
Dugnaligi starvsnæmingurin í Løgtinginum seinastu vikurnar, Fríða B. Gjógvará, og Rebekka Manuela Behrens hjálpti við myndatøkuni í dag.
Hervør Pálsdóttir og Sirið Stenberg mangla á myndini.
Deil á Facebook
