Sjóvar kommuna
Kvøða frá Sjóvar kommunu nú Ungmannafelagið Strálan fyllir 35 ár:
Ungmannafelagið Strálan varð stovnað 1989 og hevur tískil 35 ár á baki.
Strálan hevur bygt eitt neyst við bátahylin í Heygsstøð. Í kjallarahæddini standa kappróðrarbátarnir. Á miðhæddini er venjingarhøli, sum bleiv tikið í nýtslu 1. juni 2021.
Í 1991 fekk felagið sær kappróðrarbátin Stráluna. Seksmannafarið Strálan hevur verið mannað við monnum og onkur ár við kvinnum. Menninir hava verið føroyameistarar 4 ferðir, tað var í 1991, 1992, 2000 og 2001.
Í 2004 fekk felagið eitt nýtt seksmannafar, sum fekk navnið Strálan. “gamla Strálan” hevur fingið navnið: Stjørnan. Eisini fekk felagið eitt nýtt fimmannafar í 2005, sum fekk navnið Strípan.
Skírsdag var hátíðarhald í bygdahúsinum har skipað varð fyri stórum páskareggjatombola, og Strálan bjóðaði kaku og kaffi.
Sjóvar kommuna ynskir Stráluni hjartaliga til lukku við árunum.
Deil á Facebook
