Eysturkommuna
Mánadagin 21. oktober skrivaðu Per Martin Gregersen, borgarstjórin og Rúni Ólason, stjóri í Grønt & Grátt, undir sáttmála um gerð av gongubreyt eftir vegnum við Ánna í Norðragøtu.
Talan er um gongubreyt frá krossinum og norður um Rokokko. Arbeiðið ein liður í at betra um viðurskiftini hjá fólki til gongu.
Arbeiðið er teknað og prosjekterað av Henning Larsen arkitektum. Stóran dent er lagdur á at gera gongubreytina so náttúrliga sum gjørligt. Hetta merkir, at partar av gøtuni fara út í lendið, og verða sostatt eitt slag av lendisgøtu. Harumframt verður plantað framvið, og ymisk trivnaðarøkir gjørd omanmóti áarbakkanum.
Eftir ætlan fer arbeiðið í gongd í november mánað í ár, og verður liðugt móti summri 2025.
Deil á Facebook
