Sambært veðurforsøgnunum sær veðrið einki tespiligt út. Tað verður sera ringt veður við nógvum vindi komandi samdøgrið. Miðalvindurin fer at liggja um 20 m/s, meðan hvirlurnar kunnu blíva tað dupulta ella meira, har sum ættin er ring.
Seinnapartin í dag fer hann upp í vestan, meðan fyrrapartin í morgin fer ættin upp í útnyrðing.
Tí verður heitt á fólk um at rudda rundan um hjá sær sjálvum, alt tað sum liggur leyst og sløðist, og sum kann gera skaða á ognir og lutir. Eisini verða fólk biðin um at tryggja at alt er surrað fast sum møguliga kann fara í nógva vindinum.
Eysturkommuna boðaði fyri nøkrum døgum síðani frá, at borgarir í kommununi, sum høvdu brúk fyri hjálp, antin at tryggja lutir ella surrað okkurt fast, kundu ringja til átaksleiðarin á tlf. 730114.
Deil á Facebook
