Eysturkommuna
Fríggjadagin 17. januar, varð sáttmáli undirskrivaður um at endaliga prosjektera útstykking við Niklasmørk í Syðrugøtu.
Borgarstjórin, Per Martin Gregersen og stjórin á Henning Larsen, Ósbjørn Jacobsen, skrivaðu undir sáttmála um ráðgeving og endaliga prosjektering av útstykking við Niklasmørk í Syðrugøtu. Talan er um verkætlan við grundstykkjum til sethús, umframt at grundstykkir verða gjørd til íbúðarbygging.
Á býráðsfundi í desember samtykti býráðið at gera sáttmála við Henning Larsen arkitektar um at arbeiða víðari við prosjekteringini.
Harvið er skjøtil settur á arbeiðið, sum peningur er settur av til á fíggjarætlanini fyri 2025.
Gongst sum ætlað, verður arbeiðið klárt at bjóða út tíðliga í summar.
Deil á Facebook
