Fótbóltssamband Føroya
Føroyska A-landsliðið við kvinnum fyrireikar seg nú til dystin móti Moldova í UEFA Nations League. Dysturin verður leiktur á Tórsvølli fríggjadagin 4. apríl 2025 kl. 17:00. Hetta verður triði dystur hjá føroyska liðnum í kappingini eftir at hava spælt móti Slovakia og Gibraltar.
Í fyrsta dystinum, sum varð leiktur 21. februar á útivølli móti Slovakia, taptu føroysku kvinnurnar 3-0. Fýra dagar seinni, 25. februar, vunnu tær 1-0 á Gibraltar á útivølli. Sigursmálið skeyt Heidi Sevdal í 70. minutti eftir upplegg frá Jensu Tórolvsdóttir.
Moldova hevur higartil spælt tveir dystir í kappingini. Í fyrsta umfari vunnu tær 1-0 á Gibraltar, men í øðrum umfari taptu tær 0-1 móti Slovakia. Hetta merkir, at bæði Føroyar og Moldova hava trý stig hvør, og dysturin á Tórsvølli verður tí avgerandi fyri støðuna í bólkinum.
Við heimavølli og stuðli frá føroysku áskoðarunum fær landsliðið eina gyltan møguleika at leggja trýst á mótstøðuliðið. Moldova hevur víst seg at vera ein harður kappingarneyti, men við ágrýtni og góðum samanspæli kunnu vit vænta ein javnan og spennandi dyst.
Keyp atgongumerki til dystin her
Deil á Facebook
