Føroya Fimleikasamband
So er tað klárt! Kappingarárið 2025 byrjar við fyrstu steypakappingini í estetiskum fimleiki, sum verður í Høllini á Hálsi í morgin, leygardagin 25. januar. Hetta er eitt serligt ár, tí fyri fyrstu ferð eru heilar tríggjar steypakappingar á skránni.
Kappingin byrjar kl. 12.45 við innmarsj og verður væntandi liðug umleið kl. 16.00.
Fýra feløg hava meldað luttøku við 21 liðum í alt. 5 pinkulið, 7 smágentulið, 5 gentulið, 1 unglingalið, 2 kvinnulið og eitt kvinnulið í short program fara at kappast og tey koma úr hesum feløgum:
- Fimleikafelagið Ljósið
- Havnar Fimleikafelag
- Fimleikafelagið Støkk
- Klaksvíkar Fimleikafelag
Atgongumerki kunnu keypast við dyrnar. Prísurin er:
- Vaksin: 120 kr
- Børn: 60 kr
- Børn 0-2 ár: Ókeypis
Fimleikafelagið Ljósið samskipar kappingina, og smásøla verður til frama fyri felagið.
Kappingin verður stroymd á www.kvf.fo.
Vit gleða okkum at síggja tykkum og skjóta estetiska fimleikaárið í gongd!
Deil á Facebook
