Ráðgevarafelagið
Árni Jakobsen heldur fram sum formaður í Ráðgevarafelagnum
Á aðalfundi hjá Ráðgevarafelagnum týsdagin 18. mars vórðu Árni Jakobsen og Ósbjørn Jacobsen valdir aftur í nevndina. Nevndin hevur nú skipað seg, og tað varð gjørt á fyrsta nevndarfundi fríggjadagin 4. apríl.
Árni Jakobsen heldur fram sum formaður í felagnum, meðan Rúni Abrahamsen heldur fram sum næstformaður. Sostatt eru ongar broytingar í nevndini.
Nevndin í Ráðgevarafelagnum sær tí soleiðis út:
- Árni Jakobsen, formaður
- Rúni Abrahamsen, næstformaður
- Selmar Nielsen, nevndarlimur
- Eyðbjørn Brimnes, nevndarlimur
- Ósbjørn Jacobsen, nevndarlimur
Tiltakslimir eru:
- Andras Ortind
- Poul Nolsøe Kjølbro Linklett
Stutt um Ráðgevarafelagið
Endamálið hjá Ráðgevarafelagnum er at savna allar ráðgevandi fyritøkur við heimstaði í Føroyum, serliga í byggivinnuni, at útinna felags áhugamál. Í sínum virki skal felagið skipa fyri felags menning í vinnugreinini, bæði í virkjunum og av teimum karmum, sum virkað verður undir.
Millum limirnar skal felagið stuðla undir samskifti og førleikamenning, og úteftir virka sum felags málgagn mótvegis myndugleikum, stovnum og aðrari vinnu.
Les meira um felagið her.
Deil á Facebook
