Víkingur Reykjavík kann í kvøld gerast greipuvinnari, eftir at teir í vikuskiftinum vunnu íslendsku steypafinaluna.
Í kvøld tekur Víkingur Reykjavík móti KR, og skulu teir á oddaliðnum bert vinna ein dyst afturat fyri at gerast íslendskir meistarar. Liðið hjá Gunnari hevur bert tapt ein dyst í Úrvalsdeildini hetta kappingarárið.
Tískil er møguleiki fyri at Víkingur Reykjavík kann gerast greipuvinnari, alt innan bert fýra dagar, í kvøld.
Hetta verður tó uttan Gunnar Vatnhamar, sum ikki verður við í kvøld av persónligum orsøkum.
Dysturin verður bríkslaður í gongd í kvøld klokkan 20.15 føroyska tíð á Víkingsvöllur.
Deil á Facebook
